影片
更多
2017-11-03
167 瀏覽
今晚係就係遲咗少少收工，但係放工之後有兩個在附近行街的朋友緊接着陪我收工之後食個飯，係幸福嘅。我哋嚟咗餃餃餃子，外面睇似係一間拉麵店，住黃埔的那位朋友，來過食嘢，話試過唔錯，所以帶我哋來食。中式餃子店，就食得多，日式餃子店，真係第一次試，不過除咗餃子嘅種類繁多，小食、飯面類，都有幾多選擇。蟹子沙律涼拌芽菜同中式餃子不同之處，就係餃子嘅size比較細，每一粒餃子都係一啖size，唔使分兩啖，一啖食晒，都幾爽。Puri puri海老餃子朋友介紹，話不得不試海老餃子，我知道海老即係蝦，試之前喺度諗，會唔會好似雲吞或者蝦餃呢？結果係兩樣都唔似，餃子皮小小薄，煎得係幾香脆，裏面有飽飽滿滿的蝦肉，食落都幾爽口。小食方面係幾出色喎：燒雞泡魚干首先係試咗雞泡魚乾，烤得幾乾身，所以雞泡魚乾的邊位有少少脆，點埋滑溜嘅沙律醬，更加正。牛肉薯餅簡直係人間極品嘅牛肉薯餅，個薯餅炸到真係超鬆脆，如果就咁薯餅，我又覺得有啲寡，但係加左牛肉，惹味好多。日本京都九條蔥餃子唔知京都九條蔥餃子，係唔係Standard每個餃子之中都要包含九條蔥呢？食落呢個餃子，冇我想像中可能俾啲蔥蓋晒其他味道嘅感覺，反而係幾香口。日式牛筋沾
我哋嚟咗餃餃餃子，外面睇似係一間拉麵店，住黃埔的那位朋友，來過食嘢，話試過唔錯，所以帶我哋來食。中式餃子店，就食得多，日式餃子店，真係第一次試，不過除咗餃子嘅種類繁多，小食、飯面類，都有幾多選擇。
蟹子沙律
涼拌芽菜
同中式餃子不同之處，就係餃子嘅size比較細，每一粒餃子都係一啖size，唔使分兩啖，一啖食晒，都幾爽。
Puri puri海老餃子
朋友介紹，話不得不試海老餃子，我知道海老即係蝦，試之前喺度諗，會唔會好似雲吞或者蝦餃呢？結果係兩樣都唔似，餃子皮小小薄，煎得係幾香脆，裏面有飽飽滿滿的蝦肉，食落都幾爽口。
小食方面係幾出色喎：
燒雞泡魚干
首先係試咗雞泡魚乾，烤得幾乾身，所以雞泡魚乾的邊位有少少脆，點埋滑溜嘅沙律醬，更加正。
牛肉薯餅
簡直係人間極品嘅牛肉薯餅，個薯餅炸到真係超鬆脆，如果就咁薯餅，我又覺得有啲寡，但係加左牛肉，惹味好多。
日本京都九條蔥餃子
唔知京都九條蔥餃子，係唔係Standard每個餃子之中都要包含九條蔥呢？食落呢個餃子，冇我想像中可能俾啲蔥蓋晒其他味道嘅感覺，反而係幾香口。
日式牛筋沾烏冬
呢個烏冬真係幾令人喜出望外，呢間店主要係食餃子，但係個烏冬都做得幾好喎，個湯辣得來幾惹味，啲牛肉炆得好林，烏冬口感煙煙韌韌。
中阪風章魚燒
令人感動嘅章魚燒，唔係講少，呢度嘅章魚燒係好食過好多出邊嘅小食店，醬汁惹味，當然係緊要，章魚燒的外層燒得好香，裏面又唔會太過漿，咬落去做到外脆內軟的感覺，而且食落唔會覺得好溜好滯。
張貼
