Forever 友緣西餐 (已結業)

今次係食西餐，餐廳名forever 友緣西餐。一入餐廳裝修同其他西餐廳無差，特別既係依到既服非常非常好，無論係入坐時，落餐時，離開既時候，老闆同店員都招呼周到。老闆仲超級nice。係落餐果時，老闆就介紹左全店最好味既黑毛豬配蘋果蓉，所以我就叫左。另外我仲叫左美國安格斯牛排薯菜、龍蝦汁花蝦手作面同埋一杯corona+pineapple 既飲品。首先講講黑毛豬先，食落去就覺得同出面既黑毛豬完全唔同，肉淋又大舊，非常有口感。第二，安格斯牛扒，我係叫5成熟，咬落去好juicy，牛嘅肉汁完全鎖住，實在非常好。而龍蝦汁花蝦手作面既肉汁好有龍蝦味，上面大大隻虎蝦亦係多肉又有濃濃既蝦味，依個都係推薦之一。法國酥皮盒田螺 $58有三舊，材料有螺肉同酥皮，兩樣食物夾埋既味道夾得好好，螺肉本來好重既味道都比酥皮中和，一個字 正。最後就corona+pineapple飲料，啤酒加菠蘿嘅配對真係第一次試，亦都非常配合，鍾意飲啤酒嘅都可以試吓。依間餐廳無論服務，食材都好高水準，大家黎到元朗都真係要試試。