喜膳燒

營業中

休息中

今日去完尖沙咀睇戲同行博物館之後，就心思思想去搵野食。突然女朋友話想食串燒，我就上網搵到呢間串燒舖頭。佢地點都好方便，係尖沙咀寶勒巷，尖東去又得，尖沙咀去都得。入座之前，店員都有幫我哋量體溫先。可能時間尚早，佢哋安排左張圓枱我哋坐。我哋見舖頭都裝修得好有心機，樓底亦都好高，幾舒服。我哋今次主要嚟食串燒，都叫左唔少，例如有牛舌，茄子，車厘茄煙肉卷，雞全翼，勝瓜，雞軟骨，玉子，韮菜卷等等等等。我哋覺得勝瓜同車厘茄燒完都仲好juicy，好好食。其他啲肉都好厚身又夠味，亦都唔會太咸，尤其係牛舌，厚得嚟又唔會燒得乾，正！因為男朋友有啲唔舒服，所以就無叫到酒飲。下次有機會一定會叫嚟試下！食咁多埋單都係二百零蚊，性價比都好高，好推薦俾大家！