標叔叔小食店

營業中

休息中

黎到標叔叔食串燒，雖然叫標叔叔，但落單，燒烤的都是很年青。叫左三款串燒，分別係牛肉，花枝丸同司華力腸。一見到串牛肉，好驚喜，因為比想想中大粒，食落仲唔硬，咬開仲見到紅紅地。雖然我叫左spicy,其實食落一d都唔spicy,仲有少少甜甜地，因為搽左蜜糖，好好食呀！跟住試花枝丸～你睇下燒得幾靚，其實標叔叔好用心燒嫁，味道都係甜甜地，好好味！食得好滿足。最後就係司華力腸，呢個反而無咩驚喜，可能平時魚蛋檔既炸司華力腸會好味d,邪惡d。個蜜糖味同司華力腸其實唔太襯，所以味道比較蝕。總括黎講，都值得大家一試嫁！