ME'N'U Homemade Fusion (已結業)

今晚我們兩個人仔好肚餓，啲嘢食一嚟到，好香噴噴。相都冇影，就已經俾我哋食晒啦……好彩仲有盒好味到我要打包拎走嘅印尼無骨烤雞帶返屋企慢慢食，真心期待呀呀！舖頭氣氛環境極佳，有異國風情，亦都好地道，配著悠閒樂韻，唔會阻礙到我哋傾偈。店員都係唔識講廣東話(但好彩我哋識講英文！)店員態度好友善，佢帶位時，帶咗我哋去一個冇大冷氣風口嘅位置，而且亦體會到我哋客人嘅需要，隨傳隨到地為我地落order及埋單。呢間食店係第二，三次食。水準一直冇差過！讚，即係喺元朗一定會返到的食店！！一致好評性價比真心高。