Pizza Maru (形點 I)

營業中

休息中

🍽️枱面不大，嚟左pizza，意粉，飲品，加埋啲餐具，張枱已經冇位😅🍕意式燉海鮮pizza蕃茄醬底 9吋切左6件，拎起有拉絲㗎。個番茄醬超濃好鮮番茄味，唔係平時食開罐頭蕃茄醬嗰啲味。有唔少海鮮，例如青口，魷魚圈，蝦，仲有意大利菜必落嘅黑橄欖。個餅底好香濃麵粉味，邊位好脆，厚批，好好食嘅手工pizza。🍝蒜香牛油汁螺肉意粉未見到真係諗唔到係點，以為係細細粒螺肉，原來係大舊螺肉切粒。螺肉好鮮甜好彈牙，比蜆肉有咬口，個蒜香牛油汁好好味。可能少食到螺肉意粉，覺得比蜆肉意粉好食。🍹冰茶紅茶底配薄荷葉，叫左少冰，食左咁多澱粉，飲個薄荷冰茶好解膩。