泰廳 (已結業)

今日同朋友黎元朗行山，行完山經過泰國菜餐廳，突然好想飲返碗冬陰公湯，咁就入左呢間餐廳到食飯。餐廳唔算好大枱櫈擺得比較密，同埋我地叫左野食，一張枱都唔夠放2道菜，所以都比較麻煩。冬陰公湯上枱速度好快，湯入面好多香料，有蝦有菇，辣度岩岩好，好好飲又開胃。而且餐廳仲用火爐仔暖住個湯，唔驚傾計傾得耐遲左飲會凍，細心位值得加分。泰國小食拼盤拼盤有細有大，我地叫左個細拼盤，每個款式有3串，每款都幾好食，拼盤跟住醬料，個人覺得唔點醬已經好夠味。香葉肉碎炒飯（太陽蛋）肉碎炒飯就一般，都係好食嘅，撈埋太陽蛋係另一個味道，份量都好大碟，好抵食。炒金邊粉炒粉唔會太乾又唔太濕，雖然唔係打卡之選，但係味道不錯，個人比較中意炒金邊粉多過炒飯。牛肉青咖喱青咖哩相對上比較甜，唔太鍾意食，但係牛肉份量都好多。印度油鬆餅油鬆餅配咖哩真係好好食，而且本身鬆餅又唔會油，一份有5塊好夠食。炒菜炒菜幼嫩而且好新鮮，配上用馬拉盞炒非常惹味。雖然餐廳位置唔多，但係一班朋友食完野傾下計，坐耐小小都okay。下次再黎元朗可以多個選擇啦。