在蘭州

營業中

休息中

今日一個人去深水埗食晏就，一路都想試下蘭州拉麵，見openrice都有介紹西九龍中心8樓美食廣場入面都有「蘭州拉麵」於是就去試下喇環境方面係食街嚟嘅，椅子係打斜坐，坐得十分之唔舒服。食店方面都係當外賣咁食，叫完之後就攞飛仔等攞餐。食物方面叫咗碗傳統蘭州牛肉麵小辣，拉麵係手拉嘅，咬落夠彈下有麥香味，湯底方面用牛肉同蘿蔔淆出嚟，另外少少13香味道，配菜有蔥，牛肉方面都有6-7塊，肉味香濃，整體碗麵好好食，另外仲叫咗支豆漿，包裝好特別，係用透明袋裝住嘅，然後用扭開個蓋就就咁啜嚟飲，豆味香濃，似係鮮制豆漿。總括而言今餐食咗41蚊我覺得好抵食，推介畀鍾意食蘭州拉麵嘅朋友試下。