天天海南雞飯 (太古城中心)

營業中

休息中

天天海南雞飯？米芝蓮餐廳？今日遲咗食飯，就試吓去個下午茶餐當午餐啦。非常真心推薦下午茶餐牌一一燒雞髀蝦麵！！本來午餐只係為食而食，點知一食落去，竟然搵到久違美食嘅感覺！！如果大家鍾意食蝦，一定要試吓呢一個蝦麵。本身有拉麵嘅口感，而湯底其實感覺同龍蝦湯冇咩分別，飲落去就感受到喺星加坡夜市食嘅味道。至於嗰隻燒雞髀，肉質鮮嫩，燒得香噴噴，大隻又多肉。我食嗰陣隔籬位都開始羨慕！我覺得配料都非常豐富有兩隻冬菇、一隻蛋、少少通菜芽菜等等，係我最近食過最好食嘅星加坡菜，真心喜歡。呢間餐廳標榜海南雞飯，當然要試吓啦我同朋友一齊試食感覺還可以，唔至於非常出眾，不過不失吧。