影片
更多
2020-01-06
1200 瀏覽
海潮食堂 #觀塘呢間應該可以話係觀塘最出名嘅餐廳之一！只要上網搜尋觀塘美食就一定會見到呢一間茶餐廳，唔係講笑的確好好味🤤🤤🤤！而且佢仲收埋好多特別嘅食物，並唔係一般茶餐廳可以食得到！. 🐮牛腩蝦條煎米粉 $50米粉就聽得多，煎米粉你有冇食過？將米粉點上蛋漿煎，以為平平無奇，點知原來香口到爆，配埋佢牛腩蝦條一齊食真係冇得頂🤩！雖然就咁話牛腩，但其實仲有牛筋蘿蔔，分開上擺喺一個鐵碗內，用腩汁浸住晒啲牛肉同埋蘿蔔，非常入味，再用啲汁點個米粉食，真心世界級🥳！而且份量仲唔少，男人食一個都飽死。味道: 4.7/5性價比: 4.3/5.🥪蔥花蛋治烘底 $27即叫即整，明顯睇得出好有心思，佢唔係就咁將兩塊麵包夾住啲蔥花蛋，而係再做多一步，將每塊麵包斜介開，攝入牛油，令到成個蛋治嘅顏色造型更靚(雖然有啲唔好處就係一邊會多啲牛油，另一邊會少啲)。蛋好厚，但依然保持到非常滑溜，配上蔥花牛油更香😋！好好食！味道: 4.2/5性價比: 4/5. 🍞超薄奶油多 $13雖然佢就咁叫奶油多，但其實係一個阿華田味嘅多士，用上煉奶牛油同埋阿華田粉，阿華田粉同埋鮮奶融為一體，成件事好邪惡但係的確好好味☺️！另外佢仲係一塊麵
呢間應該可以話係觀塘最出名嘅餐廳之一！只要上網搜尋觀塘美食就一定會見到呢一間茶餐廳，唔係講笑的確好好味🤤🤤🤤！而且佢仲收埋好多特別嘅食物，並唔係一般茶餐廳可以食得到！
. 🐮牛腩蝦條煎米粉 $50
米粉就聽得多，煎米粉你有冇食過？將米粉點上蛋漿煎，以為平平無奇，點知原來香口到爆，配埋佢牛腩蝦條一齊食真係冇得頂🤩！雖然就咁話牛腩，但其實仲有牛筋蘿蔔，分開上擺喺一個鐵碗內，用腩汁浸住晒啲牛肉同埋蘿蔔，非常入味，再用啲汁點個米粉食，真心世界級🥳！而且份量仲唔少，男人食一個都飽死。
味道: 4.7/5
性價比: 4.3/5
.🥪蔥花蛋治烘底 $27
即叫即整，明顯睇得出好有心思，佢唔係就咁將兩塊麵包夾住啲蔥花蛋，而係再做多一步，將每塊麵包斜介開，攝入牛油，令到成個蛋治嘅顏色造型更靚(雖然有啲唔好處就係一邊會多啲牛油，另一邊會少啲)。蛋好厚，但依然保持到非常滑溜，配上蔥花牛油更香😋！好好食！
味道: 4.2/5
性價比: 4/5
. 🍞超薄奶油多 $13
雖然佢就咁叫奶油多，但其實係一個阿華田味嘅多士，用上煉奶牛油同埋阿華田粉，阿華田粉同埋鮮奶融為一體，成件事好邪惡但係的確好好味☺️！另外佢仲係一塊麵包中間界開，塗上多一層煉奶 、牛油、阿華田粉，之後再壓到薄切切，令到成個麵包更香脆！無論係味道定係口感都好豐富！
味道: 4.4/5
性價比: 4/5
餐廳服務態度仲超級好，佢哋個侍應好友善，會同你吹水介紹食物俾你聽。不過呢間茶餐廳真係好出名，當日下畫三點幾都仲要排隊，不過好彩始終係茶餐廳，等十幾分鐘就有得坐。
蔥花蛋治烘底
$27
73 瀏覽
0 讚好
0 留言
牛腩蝦條煎米粉
$50
83 瀏覽
0 讚好
0 留言
牛腩蝦條煎米粉
$50
121 瀏覽
0 讚好
0 留言
超薄奶油多
$13
51 瀏覽
0 讚好
0 留言
張貼
