四姐川菜

營業中

休息中

今次第一次去呢間食川菜，上網睇評論都好高所以我都唔汁輸，即管試下佢掂唔掂啦！首先地點方便，由時代廣場行五分鐘就到！食完仲可以去附近行街消化添！店內環境乾淨而且餐具有特色，值得加分呀！！食物方面，當然有招牌重慶水煮魚，辣到適中而旦魚好滑好滑，底下仲有薯粉同芽菜，入哂辣味，真係好好味！另外都叫左幾樣小菜，分別有酸辣土豆絲，魚香茄子，青椒皮蛋，炒生菜，辣子蝦同四川涼面！全！ 部！都！好！好！食！唔似一般既味精菜，食得岀係真材實料！最後仲有一個豆腐湯，好清甜，可以即刻下火！呢間本人真係超級推介四川川菜：四姐川菜