寶軒印度餐廳

營業中

休息中

試過港九好幾間印度餐廳，暫時以呢間嘅咖哩最令我回味，服務態度又一流又細心，我地叫咗咖啡，老闆娘驚我地飲唔慣啲味，叫我地試咗先，唔岩味就換番Latta俾我地，飲咗一啖後係有啲苦，但其實都好好味。啲Naan Bread超香，叫咗蒜頭味及洋蔥味，唔夾咖哩都已好好味，一粒粒蒜粒係睇到嘅，洋蔥味就成塊都有好香嘅洋蔥，所以唔點咖哩都好好味。3點半去食，佢地冇關門，照樣熱情招呼，仲話冇人隨便坐啦，跟著4點又見到有一檯客，4點半至5點又來一啲客，應該夜晚會爆所以啲人早啲黎食，6位外國人一檯，印度一家5個人一檯，一檯自己一個人，黎下黎下又多啲人，咁嘅鐘數都有客，應該係堅鍾意佢地啲食物。老闆娘亦照顧我想食辣啲，點芝士青豆幫我加辣，問我要中間辣定好辣，我話medium but not too spicy is good，黎到啲味岩岩好，食物水準above average，價錢好合理，叫咗兩個咖哩，兩個Naan Bread，一個咖哩，一個飯，只係三百幾，真係好好嘅experience，所以一定會再去。