熱菇喲 (已結業)

😲💦💦熱菇喲～～身為男仕應該都唔會對呢3個字陌生，原來中環有間日式餐廳竟然用呢句神的語言黎做舖頭名，食完唔知會唔會有熱菇熱菇既感覺呢😂大葱雞肉（$38）大葱外表焦香，入口好清甜，雞肉肉味濃加少少鹽調味已經夠牛舌（$58）切得好厚身，岩岩好熟，所以肉質爽口之餘仲好嫩味噌黑毛豚五花肉串（$48）燒得乾身，味噌燒過後咸香味好突出鹽燒口活白鱔（$78）魚皮燒到好似薯片咁脆，鱔肉厚身，肉質彈牙，而且充滿魚油香青椒仔（$38）完全唔辣，食落似冇黏液既秋葵，而且甜甜地蘆筍（$48）嫩口而且食落冇渣，仲帶少少甜味，配埋木魚花食增添少少咸味，令味道更佳汁燒厚油揚（$38）燒到脆卜卜，醬汁既味道同豆香味，再加上燒烤焦香味，令整體味道更提升燒櫻花蝦飯糰（$38）入口充滿櫻花蝦既咸香味，經燒過後令香味更出衆燒柚子味噌飯糰（$38）充滿白飯香味，加上味噌既香味，配搭得唔錯雜錦稻庭烏冬（$98）咸味為主既醬油湯底，入口滑捋捋，而且爽口彈牙,而且份量唔少冷稻庭烏冬（$78）因為凍食，所以比熱食更彈牙，烏冬汁帶微微甜味，加上Wasabi 既辛辣，反而愈食愈開胃