豆苗居 (已結業)

終於搵到腳食素菜，好多香港人無肉不歡，要搵朋友去試都唔係易。環觀周圍亦都係外國人較為多。佢既地方寬敞，亦都幾靚幾舒服。食物好有驚喜，全部都好好味！頭盤係popcorn "chicken"。當然就無雞啦，不過朋友話食落似雞。我就覺得一食就知係菇，不過確實整得好香！蘑菇意粉都幾貴，不過係signature，一定要試。個汁係好！好！味！真係值得一試。佢用腰果打既醬好香好creamy！同其他相比，呢個飯係無咁大驚喜。不過我好食飯，佢係紫米，加上我估係豆做既札肉同埋用茹做既煙肉。個假煙肉稍為乾身，不過個smoke味幾香。甜品都好特別。整體上偏唔甜，兩款蛋糕都好有果香，所以食落好舒服。記得可可mousse要撈一撈下面啲jam先食，如果唔係會太苦！值得注意佢無service charge，不過會有3％ carbon tax。