影片
更多
2021-06-30
485 瀏覽
今日趁平日下午茶時間，去好好運朝聖~之前試過星期六上晝10點去到大排長龍，最後放棄左無食到，今日平日下晝好好多，walkin就得~鋪頭裝修好簡單，大概30個位~廚房位置有好多職員煮野食我地叫左沙嗲牛肉米加炒蛋同埋下午茶餐既沙嗲牛肉包。沙嗲牛肉米加炒蛋沙嗲牛肉醬汁好濃好有花生味，偏甜既~牛肉好淋同瘦~個汁真係好惹味～味道岩岩好，就算放左湯都唔會太淡，炒蛋不過不失，正常發揮；米粉底仲有D芽菜，食落爽脆，口感更豐富~沙嗲牛肉包同一個醬汁加落鬆軟麵包都好好食，麵包烘暖，入面夾住大量沙嗲牛肉，多到滿瀉咁滯~鐘意濃味既朋友仔一定要試下~絕對值得一試既沙嗲牛肉！P.S.其實我地仲叫左份鮮油多，不過就好一般，所以都無專登影lu~
之前試過星期六上晝10點去到大排長龍，最後放棄左無食到，今日平日下晝好好多，walkin就得~
鋪頭裝修好簡單，大概30個位~廚房位置有好多職員煮野食
我地叫左沙嗲牛肉米加炒蛋同埋下午茶餐既沙嗲牛肉包。
沙嗲牛肉米加炒蛋
沙嗲牛肉醬汁好濃好有花生味，偏甜既~牛肉好淋同瘦~個汁真係好惹味～味道岩岩好，就算放左湯都唔會太淡，炒蛋不過不失，正常發揮；米粉底仲有D芽菜，食落爽脆，口感更豐富~
沙嗲牛肉包同一個醬汁加落鬆軟麵包都好好食，麵包烘暖，入面夾住大量沙嗲牛肉，多到滿瀉咁滯~鐘意濃味既朋友仔一定要試下~
絕對值得一試既沙嗲牛肉！P.S.其實我地仲叫左份鮮油多，不過就好一般，所以都無專登影lu~
張貼
