時代冰室 (One Madison) (已結業)

今日去長沙灣食時代冰室，閑日食下茶餐廳都幾好。晚上有二人小菜套餐選擇$128，仲有10幾款不同小菜可以選擇。我們叫了龍鳳柚子西檸雞，雞塊切好一嚿嚿，加上脆卜卜的外皮，再加埋酸酸甜甜的柚子醬同檸檬汁，喺悶熱的天氣10分開胃。雞肉肉汁豐富，沒有雪味！另外叫了個西蘭花炒魚柳，魚柳肉質嫩滑，西蘭花份量很多，加上雜菇等，材料很是豐富。讚一讚小菜都是即叫即整，熱度十足，加分不少。另外叫了個南乳雞翼，呢個雞翼比較少見，南乳10分入味，送飯一流。叫了杯加加大的檸檬可樂，俾足兩罐可口可樂我哋，cp值好高！仲最後叫了個葡撻，新鮮出爐蛋味香濃，好好食呀！