雲南小鍋米線 (已結業)

係深水埗最多野食既福榮街有間食辣好正既米線鋪，好食過譚仔同南記，正！我中午去到食左一碗吉列豬排米線(大辣)，真係辣得好過癮。我本身食開四川個隻辣，呢隻係嗜辣之人接受到既，新手就bb辣到小辣就好啦～除左特定米線，大家都可以自選配菜。30蚊一碗麵，每款菜加7蚊，芝士腸、腩肉、煙鴨胸、紫菜、各式丸、炸醬等等，應有盡有。學生仲有優惠啊！我以前都會放lunch黎食最重要呢度冷氣好夠，食辣都唔怕熱，上野速度夠快。不過中午可能滿座。