添好運點心專門店 (已結業)

今朝跑完步，想飲茶，就去了添好運。 排隊時，我見到叫入座個個人齋叫D兩人枱入去，我問三或四人枱幾時入得，她竟然大聲話:「你自己走入去睇下有幾多人向裏面呀！」一聽到呢句，已經知道服務態度系點了。排隊等左成個半鐘，終於有得坐低。但系一入去...哇！逼到呢！大多數嘅枱都系兩人枱，地下衛生唔洗講啦！一坐低，叫野食，遞張點心紙比個亞姐個陣時，個亞姐嘅態度真系簡直一流，系拿你張紙個時個力度直頭系強搶你野嘅力度囉。跟住， 過左大約十分鐘到，D野食黎啦，個酥皮叉燒包真系名不虛傳，個包皮好脆，有DD甜，裏面D叉燒都好ok。跟住落去D野食都ok, 我最推介系個個叉燒包。 但系，無論野食幾好食，服務差都已經可以令到成間餐廳鄙人嘅印象拉低曬，更加影響香港美食天堂的美譽，所以...唉！去一次已不想再去。