川粵米線大王 (已結業)

其實平時好少黎紅磡區，今日咁岩就黎左 發現到依間川粵米線大王，咁有緣今日就係到食飯喇當然餐廳就無咩裝修可言，同一般既茶記差唔多,不過座位就極密，絕對係會背貼背嫁,如果多人既話,不過都無所謂。好彩算係有個卡位坐下,叫左幾個小吃，首先就係手拍黃瓜,我好鍾意依個,因為黃瓜夠哂凍，口感又夠爽脆,唔會林,而且份量極多，另外黃瓜上面既蒜泥都有好多，好惹味，好味道,而且麻辣味係點到即止,唔多唔小,非常好。之後就係一個涼拌四川皮蛋,依個就只係正正常常,唔係太特別,不過都算好食既。最後就係一個口水雞,依個都唔錯既,有少少芝麻花生係面，而且麻油味好濃仲好香，真係幾野味既惹味,不過雞味就比人搶左少少，辣味就淡左少少，怕辣既朋友都可以食依個,不過依到既冷氣就細左少少,食完就真係會出哂汗。