茶果財

營業中

休息中

大澳有兩間出名嘅茶果，一間係依間，一間係隱姑。依間六蚊，隱姑要成8蚊。我當日兩間都買左一個眉豆即食，依間個皮比隱姑厚，餡同皮嘅比例較適中，個皮又夠軟，個皮依間勝。但講到餡，我就鐘意隱姑嘅味多少少，但隱姑個皮真係太薄，一邊食會一邊流餡，會食得好論盡。總括黎講，我覺得依間抵食過隱姑好多，所以試曬兩間之後，我決定臨走去買兩個花生茶果同紅豆茶果聽日食。但點知三點幾去，一大班旅行團，將花生茶果同紅豆茶果買曬，我最後唯有買兩花生糯米糍，兩個紅豆糯米糍同兩個眉豆茶果聽日食。隔左成晚估唔個茶果皮完全無變硬，叮番熱同即日食一樣咁好食，一樣咁軟。至於糯米糍真係好有驚喜，隔夜個皮都仲好好食，好軟，個紅豆餡又多，一心只買茶果嘅我，真係好有意外驚喜。 好鐘意，唔怪得依間三點幾就賣曬茶果，4點就連糯米糍都買曬。早知佢隔左夜都唔硬，我就買多幾個啦