麵包司

營業中

休息中

尋日就係喺荃灣西食完個lunch，又唔使再返工，就喺度又行行行吓，行咗去荃新天地二期，諗到第二日要買早餐，又見到呢度有個food court就去八卦吓原來以前先施已經變到好唔一樣！！角落頭個位有呢間麵包舖我同個friend兩個人買咗勁多麵包今朝早食咗個吞拿魚包個吞拿魚包勁多吞拿魚，而且吞拿魚打到好滑！！佢個包好軟熟，實得來又好軟熟，係一個好複雜嘅口感，真係好好味，好少食一個包夠飽啱啱又食咗呢個黑糖麻糬包佢個麻糬好似珍珠奶茶啲珍珠咁，好好食個friend就話佢食咗個開心果菠蘿佢用氣炸鍋叮翻脆個包嚟食，菠蘿包上面嘅脆皮超級脆，而且好香開心果味，入面仲有流心嘅開心果醬呢間舖頭嘅包有好多選擇，我下次會再去買返個吞拿魚包食，真係好多吞拿魚