語菓 (淘大商場) (已結業)

上次試咗佢哋嘅包種綠茶，非常甘香非常濃，所以今日試吓佢哋signature嘅「梨園吹鳳曲」。係自製鳳梨醬加包種綠茶同埋奶蓋，當店員準備嘅時候，鳳梨醬嘅香味四溢，再加埋包種綠茶香，已經預期佢會好好飲。攞到手上，呷一啖，三種材料嘅味道非常之夾。佢嘅奶蓋比較輕盈，比較泡沫，唔似得一般出邊嘅奶蓋咁厚，但我發現，呢層輕輕嘅奶蓋嘅奶香已經足夠，唔似好似第二間咁Heavy。一如所料，甜甜嘅鳳梨醬同埋甘香嘅包中綠茶非常匹配，鳳梨將中和左綠茶嘅苦澀，非常好飲，唯一美中不足嘅係有啲太甜。不過我本人係唔太鍾意飲太甜嘅，可能一般人可以接受。等飲品嘅時候，仲可以玩抽籤，都幾得意架。附近好多連鎖式嘅台灣飲品店，想幫襯下非連鎖嘅小店就搵呢間啦！