灘萬日本料理 (九龍香格里拉) (九龍香格里拉大酒店)

營業中

休息中

每次約食飯，特別是生日飯都好頭痛。有人提議來這裡，因食過幾次。主角唔好意思，怕大家太破費，生日嘛~一年一次，無所謂。各自選了不同定食，可以交換來食。 我選了迷你懷石料理。頭盆(先付) 胡麻醬豆腐 配 芥末菜，口感清爽。 擺盆好靚。壽司 包括白子(好似咁叫), 短瓜(紫色肉), 三文魚，鯛魚。白子係鱈魚精囊，嘩! 試下先…沒有魚腥。好食。煮物 是牛脷配蘿蔔(大根)。 好冧，好入味。揚物 (餐牌是 合肴) 包括炸公魚(似多春魚，但肉質不同，這好味點)。 炸春菜(應係芥菜，帶苦)。 仲有一件似芋片夾蝦肉炸，都好味。剛食了朋友點的鱈魚，好滑。 再試鰆魚燒物， 最初以為是鱈魚，仲叫為什麼我點的肉實及乾，經朋友提醒，才知不同。 洒上青檸汁，配蘿蔔蓉，好好味特色是伴碟 稻米炸後，有爆谷味道最後上 青豆白飯 加 麵豉湯， 好清~~好彩朋友仲有牛肉燒物，夾點來做餸。最尾，當然係雪糕收尾。懷石料理就是慢慢上，跟朋友可多傾一會。眼見朋友點其他定食都不錯，有機會試試或可考慮鐵板燒。