好媽媽台灣館 (已結業)

昨晚收工後同朋友一同去食晚餐，我哋行過見到一間台灣餐廳，個名幾溫馨喎，叫做好媽媽，於是我哋就入去試下。 首先我哋就試個柯仔大腸麵線$38柯仔台灣係最耍家，佢嘅鮮甜味好出色，滑嘟嘟一咬開就感覺到啲肉汁源源流出在口腔，好豐富，醃製過的大腸味道一流，林林甜甜，火爐控制得恰到好處，加上麵線又爽滑，湯底濃郁。 佢個蔭瓜鳳梨苦瓜雞湯$45，佢有鳳梨嘅香甜，苦瓜嘅甘，濃濃嘅雞上湯，多種嘅配搭味俱全。 一個鹵水拼盤$70，鹵水汁調教得非常出眾，佢將啲豆腐浸製得非常入味，口感嫩滑無比，一個咁普通嘅豆腐都做得咁出色。鹵水大腸，煙韌得嚟又好咬口，味道濃郁。鹵水雞翼，醃製得嫩滑又入味，火路剛剛好。 鹵水牛展，甘香啖啖肉，煙靭又林甜。 麻油雞烏龍麵$48，呢個真係考師傅嘅功夫，醃製過嘅雞肉，仍然不失佢嘅嫩滑鮮味又彈牙，濃濃嘅雞肉味加上麻油嘅香，配合埋爽滑嘅麵底，真係冇得輸。 至於飲品都不錯，珍珠奶茶同一般啲唔同$18，加上有胚芽配製，飲落有非一般感受，令人會有回味嘅感覺。 佢有個蒟蒻青蘋果優格$26，做得好出色，青蘋果味清幽芳香，蒟蒻爽口清甜，真係可以做到有色香味俱全。