十三少 (已結業)

樂富多左好多唔同嘅新餐廳，突然 發現有酸菜魚！！十三少 靜靜地咁突然樂富開分店，由樂富地鐵站B出口 上商場1樓，幾分鐘路程only。 但記得一定要B出口出，如果唔係真係要又越過高山又越過谷先會去到。十三少用marker 畫喺過膠menu上點餐，好環保👍🏻。 酸菜魚有分 辣 / 唔辣，仲有勁量版。 ———————————開餐：十三少酸菜魚🐟 ： 湯好好味，酸菜加新鮮魚嘅鮮味，一啲都無過咸，鱸魚片無骨而且非常之嫩滑，酸菜咸酸咸酸，好開胃， 一定要配白飯，撈湯真係可以食幾碗。———————————川式口水雞🐔 ： 好多芝麻非常香，辣汁 多左D芝麻嘅香味味，雞肉嫩滑唔老，沾上香且微辣酸汁食真係一舊接一舊。———————————麻辣香鍋🐸 ： 鍋底 有分 十三少麻辣香鍋 同 回味醬香鍋 （唔辣）， 配菜有肉有素想食乜就點乜， 今日點左 十三少麻辣香鍋+雞軟骨+田雞+花菜+蓮藕片+鹵水大腸，加埋乾辣椒花椒炒埋一大盆，肉類經過走油好香口，沾上重味香鍋香料實在太好味，蔬菜爽口辣中帶蔬菜甜味，好搭。———————————本來叫左紅糖糍粑，可惜漏單，唯有過2日再黎過啦。