大尾篤燒烤王 (已結業)

一行5個人去燒烤，天氣唔多好，好似就快落雨咁。所以就決定左去呢間燒烤場，一來有瓦遮頭，又唔駛自己買野食。一去到門口．．．一個人都冇，搵左一陣先見到有２個人燒緊，之後就有人招呼我地，幫我地開爐，拎Ｄ野食俾我地，有雞中翼，雞全翼，腸仔，芝士腸，丸，豬扒，牛扒，金沙骨同多春魚，全部放係一個大盤。大路貨物，味道就唔多講，不過平日任食（４小時任食）只係５０蚊，都算係咁啦，自己買野燒都唔只呢個價，因為又要買炭買蜜糖買餐具之類，佢又包一枝６蚊既野飲（水ＯＲ可樂）。我地有自己買野飲去，就唔駛再同佢買！不過門口有寫明如果自己帶野飲係會罰錢（１００起），所以我地都只可以偷偷地飲。蚊好多，要帶定蚊怕水，否則變左Ｄ蚊既午餐。