荔園茶餐廳 (已結業)

有日睇電視見到有餐廳有整糯米雞，好似好正，於是好鍾意食呢啲手工菜嘅我就擇日帶埋朋友起行。童年時外婆釀糯米雞：本身以為會係好細隻嘅BB雞，黎到之後比我想像中更大隻，仲有個好靚嘅沙律配黑醋伴碟。一切開糯米香撲鼻，雞肉食落幾嫩口，由其雞脾，而雞皮亦幾脆。重點嘅糯米亦十分香同足料，有冬菇、蝦米等等嘅野，比起細個好鍾意食嘅糯米雞翼個味道更充實。燒紐西蘭厚切西冷牛排伴紅酒汁：朋友叫，我食左舊薯角，都炸得幾脆，個牛排都還好，有小小熟過龍，而個紅酒汁都幾好味。整體黎講今次荔園行我十分滿意，主要目標嘅釀糯米烤雞令我十分滿足，短期內定會再黎。