影片
更多
2023-11-11
2831 瀏覽
唔係第一次嚟，雖然性價比麻麻，但食物味道唔差。朋友想睇band show，所以索性坐低一齊食。我到咗先，叫咗杯mocktail打算飲住先。可能佢倒汗水太勁，好濕，唔小心撞咗張枱一下，杯嘢飲就跣到倒瀉晒，個杯仲爛埋，成件事係杯嘢飲落枱兩分鐘內。我一啖都冇飲過杯嘢。果下我都呆咗，要東張西望咗一下先叫到staff嚟幫手。佢哋主要係拖咗一下地同執咗玻璃碎，枱都冇抹乾淨同清理；係好多空枱嘅情況下亦冇安排換枱。果下都疑惑佢會唔會再安排過一杯，畢竟mocktail酒都冇滴，成本高極有個譜。直到朋友嚟，大概都十幾分鐘，可能見佢哋staff行嚟行去踩到附近濕，先再嚟拖多兩下地同放個小心地滑牌。我哋後期加叫咗嘢食同杯嘢飲，我哋再問會唔會補返杯嘢飲，staff嘅應對就令我哋覺得好唔舒服。我哋明畀係人情唔畀係道理，佢哋如果話杯嘢落枱就唔負責都好啲，但講到杯嘢落枱後果兩分鐘唔知發生過咩就好礙耳。成個觀感真係即刻好差，不過我哋費事嘈，連叫經理出嚟問都冇，只係本身想再叫main同嘢飲，都即刻唔再落單，同冇下次。唔係好明佢哋floor management點解會係咁，完全冇打算為名聲著想咁，寧願因小失大咁，同佢哋營造
我到咗先，叫咗杯mocktail打算飲住先。可能佢倒汗水太勁，好濕，唔小心撞咗張枱一下，杯嘢飲就跣到倒瀉晒，個杯仲爛埋，成件事係杯嘢飲落枱兩分鐘內。我一啖都冇飲過杯嘢。果下我都呆咗，要東張西望咗一下先叫到staff嚟幫手。
佢哋主要係拖咗一下地同執咗玻璃碎，枱都冇抹乾淨同清理；係好多空枱嘅情況下亦冇安排換枱。
果下都疑惑佢會唔會再安排過一杯，畢竟mocktail酒都冇滴，成本高極有個譜。直到朋友嚟，大概都十幾分鐘，可能見佢哋staff行嚟行去踩到附近濕，先再嚟拖多兩下地同放個小心地滑牌。
我哋後期加叫咗嘢食同杯嘢飲，我哋再問會唔會補返杯嘢飲，staff嘅應對就令我哋覺得好唔舒服。我哋明畀係人情唔畀係道理，佢哋如果話杯嘢落枱就唔負責都好啲，但講到杯嘢落枱後果兩分鐘唔知發生過咩就好礙耳。成個觀感真係即刻好差，不過我哋費事嘈，連叫經理出嚟問都冇，只係本身想再叫main同嘢飲，都即刻唔再落單，同冇下次。
唔係好明佢哋floor management點解會係咁，完全冇打算為名聲著想咁，寧願因小失大咁，同佢哋營造出嚟嘅class一啲都唔match。
如果講嘢食，薯條正常，脆炸雞塊係腐乳汁，都唔錯（炸雞都難啲整得難食）；三文魚籽,蟹肉,牛油果他他就成價比極低。
張貼
