影片
更多
2024-05-09
8657 瀏覽
尖沙咀嘅Starò，呢度真係一間好適合打卡嘅餐廳！佢嘅裝修好夢幻，有星空嘅燈光效果，好浪漫。我同朋友去慶祝生日，所以揀咗呢間打卡餐廳。如果想坐星空枱，就要提前預約同埋落單，而且只可以點指定嘅餐單，而且有時段限制。我試咗好多款菜式。前菜方面，有巴馬火腿伴無花果羅馬甜瓜沙律同蕃茄流心水牛芝士沙律。巴馬火腿同甜瓜沙律混合出獨特嘅味道，而蕃茄沙律鮮甜又滑口，可惜芝士無咩味咁。湯品有黑松露牛肚菌忌廉湯伴手工麵包條同意式龍蝦濃湯伴手工麵包條。黑松露湯濃郁香滑，搭配手工麵包條更加美味。意式龍蝦濃湯有龍蝦嘅鮮味同濃郁湯底，配上麵包條更加豐富口感。主菜有巴馬火腿蕃茄水牛芝士手工薄餅、法式寶雲酥羊架伴法式薯蓉、炭燒澳洲M5和牛西冷扒伴法式手工薯蓉同鵝肝牛柳伴法式薯蓉。薄餅餅底薄脆，配上火腿同芝士，好好味。法式羊架肉質嫩滑，搭配薯蓉更加美味。炭燒牛扒煮得有D過火，但配上薯蓉好夾。鵝肝牛柳，最吸引我係個鵝肝，味道濃郁豐富，薯蓉更加增添風味。甜品有檸檬雪葩同意大利開心果雪糕球。檸檬雪葩清新酸甜，開心果雪糕球滑順濃郁服務員服務好好，而且會製造氣氛，值得一讚! 一路食飯一路影相好忙呀😂因為唔可以浪費個星空枱，大部份
尖沙咀嘅Starò，呢度真係一間好適合打卡嘅餐廳！佢嘅裝修好夢幻，有星空嘅燈光效果，好浪漫。
我同朋友去慶祝生日，所以揀咗呢間打卡餐廳。如果想坐星空枱，就要提前預約同埋落單，而且只可以點指定嘅餐單，而且有時段限制。
我試咗好多款菜式。前菜方面，有巴馬火腿伴無花果羅馬甜瓜沙律同蕃茄流心水牛芝士沙律。巴馬火腿同甜瓜沙律混合出獨特嘅味道，而蕃茄沙律鮮甜又滑口，可惜芝士無咩味咁。
湯品有黑松露牛肚菌忌廉湯伴手工麵包條同意式龍蝦濃湯伴手工麵包條。黑松露湯濃郁香滑，搭配手工麵包條更加美味。意式龍蝦濃湯有龍蝦嘅鮮味同濃郁湯底，配上麵包條更加豐富口感。
主菜有巴馬火腿蕃茄水牛芝士手工薄餅、法式寶雲酥羊架伴法式薯蓉、炭燒澳洲M5和牛西冷扒伴法式手工薯蓉同鵝肝牛柳伴法式薯蓉。
薄餅餅底薄脆，配上火腿同芝士，好好味。法式羊架肉質嫩滑，搭配薯蓉更加美味。炭燒牛扒煮得有D過火，但配上薯蓉好夾。
鵝肝牛柳，最吸引我係個鵝肝，味道濃郁豐富，薯蓉更加增添風味。
甜品有檸檬雪葩同意大利開心果雪糕球。檸檬雪葩清新酸甜，開心果雪糕球滑順濃郁
服務員服務好好，而且會製造氣氛，值得一讚! 一路食飯一路影相好忙呀😂因為唔可以浪費個星空枱，大部份星空枱都係情侶，而且圓枱唔算大，所以比較配合情侶用餐，最後食埋生日蛋糕，完美結束一餐美食之旅。
張貼
