捌捌陸台式料理 (家樂坊)

營業中

休息中

自問唔係西客 亦都從來唔寫食評 但係今次真係食到有啲無奈 之前返工食過佢哋荔枝角嘅lunch 係幾好食嘅 諗住一定冇死 點知：一入座擺碗隻碟已經有撻紅色嘅油漬 唔知係上手食嘢彈污糟 定係真係冇洗乾淨 正常擺碗嘅時候都應該會發現掛 好少任食火鍋會有唔換嘅餐具筒 擺晒筷子匙羹 好似茶餐廳咁 每一手都係喺嗰度攞筷子 咁啱我哋嗰台個筒得返三對筷子 懷疑上手以為個筒係每一手都換 我一拎對筷子出嚟 係用過嘅 見到都心知不妙 成餐飯都食得好唔舒服 仲要個筒入面有啲乾淨紙巾 都比佢揩污糟咗 即使之後叫佢換過筒 啲筷子匙羹都係有啲油漬 衛生真係都幾差嘢食方面 麻辣雞煲近乎冇味 啲雞柴到咩咁 柴到咁嘅雞應該係熟過頭先係呀 點知食落隻雞髀度係生嘅 之後就賴嘢啦 食完個雞煲半個鐘都冇已經第一次肚痛 家樂坊個廁所又污糟 屙完返到嚟 即使好肚餓都冇乜食慾 食咗三份二個雞煲已經夾起晒啲雞想嗱嗱聲打邊爐 希望會好食啲啦 估你唔到 連個邊爐都唔好食 冇一樣嘢係值得讚 一路食一路傻笑 都唔知自己食緊咩 出面可以夾嘅嘢食種類都比一般任食火鍋少好多員工態度方面係幾好嘅 但係可以做細心少少 我哋嗰張係細枱 本身已經冇乜位擺嘢