影片
更多
2020-09-05
592 瀏覽
呢間嘢的確乜都有，飲品種類算多，自助熟食，火鍋配料，壽司刺身都有齊，但好老實講，冇乜邊樣係擺得落口。我8點入座，先講熟食，豬腳唔夠“淋”，豉油雞翼肉質好“鞋”，炸物係千年炸物，唔暖，炸皮硬掘掘，感覺食麵粉，其他貌相都唔討好，都已經冇試了。嚟得食火鍋放題，其實都唔會對熟食抱好大期望，所以都係著眼於佢嘅刺身同埋火鍋。刺身食咗四種，三文魚、吞拿魚、帶子、牡丹蝦，三文魚冇味，吞拿魚冇味加發黑，帶子正常有甜味，但係牡丹蝦真係一絕，初時見到有，覺得好正有得任食，但每次只比一隻，攞完返到埋位，一剝蝦頭就見到淤黑色咁，聞落仲有唔妥嘅味道，食落口仲有好多沙，不特止，仲有好大條黑色嘅屎，究竟係咪食用刺身嚟？？？然後到火鍋，點咗個豬骨湯底，佢個湯只可以用有味嚟形容，好似平時一樽樽加湯嗰啲湯咁，叫做有鹹味囉……到配料方面，先嚟每人有兩片送嘅牛肉，味道唔錯嘅，食完就冇㗎啦，但其他任食牛肉又薄又冇味，好差。水魷唔知點咁，有陣怪味，豬皮唔爽脆，咬落韌韌地咁，蜂巢豆腐有酸味，已經放唔落入口，即吐出！丸類全部都好麵粉好膠，連大型連鎖凍肉鋪嘅丸都好食過呢間…，菜類就平平無奇，總括配料方面係非常之差，沒有突出之一！我本人未
我8點入座，先講熟食，豬腳唔夠“淋”，豉油雞翼肉質好“鞋”，炸物係千年炸物，唔暖，炸皮硬掘掘，感覺食麵粉，其他貌相都唔討好，都已經冇試了。
嚟得食火鍋放題，其實都唔會對熟食抱好大期望，所以都係著眼於佢嘅刺身同埋火鍋。
刺身食咗四種，三文魚、吞拿魚、帶子、牡丹蝦，三文魚冇味，吞拿魚冇味加發黑，帶子正常有甜味，但係牡丹蝦真係一絕，初時見到有，覺得好正有得任食，但每次只比一隻，攞完返到埋位，一剝蝦頭就見到淤黑色咁，聞落仲有唔妥嘅味道，食落口仲有好多沙，不特止，仲有好大條黑色嘅屎，究竟係咪食用刺身嚟？？？
然後到火鍋，點咗個豬骨湯底，佢個湯只可以用有味嚟形容，好似平時一樽樽加湯嗰啲湯咁，叫做有鹹味囉……到配料方面，先嚟每人有兩片送嘅牛肉，味道唔錯嘅，食完就冇㗎啦，但其他任食牛肉又薄又冇味，好差。水魷唔知點咁，有陣怪味，豬皮唔爽脆，咬落韌韌地咁，蜂巢豆腐有酸味，已經放唔落入口，即吐出！丸類全部都好麵粉好膠，連大型連鎖凍肉鋪嘅丸都好食過呢間…，菜類就平平無奇，總括配料方面係非常之差，沒有突出之一！
我本人未試過係openrice寫食評，今次係第一次，原先食到半路都冇諗住寫食評，亦冇相機先食嘅習慣，食到最尾真係越食越谷氣，好想發洩一下，所以出咗去再攞拎一碟全晚表現最差嘅刺身一一牡丹蝦！預備影張相同寫劣評之用，果然意料之內，同上一隻一樣，好污糟呀！我懷疑成批牡丹蝦都係咁！
屎，全部都係屎！！！
我同老婆二人盛為$458，呢個價食啲咁嘅質素…😑
張貼
