一線軒雲南桂林過橋米線 (已結業)

我本身都幾鍾意食雲南米線,所以當得知公司附近開咗呢間食店,都好開心!但結果真係令我好失望!話說喎日想叫外賣,諗住叫定餸,講埋時間,咁就會大家方便d,點知落到去,同企係門口收$嘅人(唔知係唔係老闆)講留咗外賣,點知佢話"我哋唔主張自取,一係送上去,一係落嚟落單。" 嘩~~咁嘅態度都得嘅! 咁你係電話又唔講! 仲話"我哋點知你哋幾時落嚟攞啫"。我心諗明明同你哋講咗, 咁囂張,真係做到幾好食都冇用!(何況根本就好普通!)咁原本都諗住算,我都唔係一個易發脾氣嘅人,加上周圍又有人,但等咗成半個鐘都未有,心感不妙,於是問返喎個男仔,點知佢原來將我張單貼咗係牆,完全冇落過單,根住先攞返張單去廚房,跟住就走開咗,完全冇道歉! 話人又理直氣壯咁,自己做錯嘢又扮冇嘢!真可恥!!!今次真係菩薩都有火呀!大佬,食飯得一粒鐘,比你玩一玩,真係唔洗食,態度又差,出到嚟成碗好似一pat嘢咁,真係貼$買難受呀! 各位,有得揀都真係唔好幫親!!!