幸福堂 (已結業)

二月嘅時候，去台灣旅遊，已經見到1街都係嘅黑糖珍奶，我同同事仲逐間試吓邊間好飲啲。我同事就話最好飲係珍煮丹，不過我又唔係咁同意喎！因為我覺得珍煮丹嘅珍珠偏甜，反而我覺得幸福堂嘅珍珠係最有咬口，嗰時喺台灣飲完，已經非常想回味。返到嚟香港過咗幾個月，有日經過太子，居然比我發現到呢個轉角位開咗一間，仲要唔係好洗排隊喎！我當然要買番杯嚟重溫下呢個幸福嘅味道！香港嘅店員做黑糖珍奶都好快手喎！不過如果佢俾多啲黑糖我，我會更加開心