幸福森林咖啡館 (已結業)

老公同我都好喜歡探索新嘢，今次早上就出發同老公去 幸福森林 食個幸福嘅早餐 過一個幸福嘅早晨💜✔️店名 幸福森林咖啡館 好靚好吸引，去到見到環境好sweet，附近有得迫車，完全係 拍拖好去處 ！隔壁就係國際學校，好特別，唔會嘈，反而在清幽中帶點活潑生氣✔️咖啡館 當然賣咖啡，好鍾意佢嘅 Orange Americano，有姿勢有實際，上層深啡色漸變成最底嘅橙色，沉重有型又帶點生氣，味道由橙汁帶出啡味，好精彩✔️另外一杯係Earl Grey Latte加一個shot，啡中有伯爵茶香，茶味又帶出啡味✔️除咗Orange Americano，發現menu仲有好多特色咖啡，例如Coconut Americano✔️Egg Benedict又係超精彩，poached egg唔會薄到一咬就流到周圍係咁論盡，蛋白有厚度，好似一個窩安全載住流心蛋黃，終於可以慢慢有儀態食egg benedict✔️All day breakfast嘅南瓜芝士薯餅又係超精彩，好少見呢種薯餅，香脆外皮配上軟糯香甜南瓜薯餅 同埋 湧入口嘅流心芝士，好想食多塊✔️焦糖單骨雞翼 都好有驚喜，外面嘅脆甜焦糖，以為自己食梗creme brulee