蒂蒂香 (已結業)

今日遲左食lunch, 係灣仔諗住隨便搵啲野食, 記得軒尼詩道有間舖成日係門口度loop 錄音, 一於去試下。去到唔係好多人, 即刻有位坐。Order左個魚蛋河($28)同3件韭菜粿($13)上菜都算快, 見佢得3粒魚蛋同2件魚片, 心諗值唔值28蚊呀, 諗都未諗完就粒魚蛋放入口....好好味呀, 好好味既魚蛋呀, 點解要俾我食到咁好味既魚蛋呀!!魚蛋彈牙之餘仲好有鮮味, 唔似平時既魚蛋加左粉。魚片有啲硬, 麻麻。之後上左韭菜粿, 煎得幾香口, 個皮夠薄又多韭菜, 好好食。如果佢可以印一印啲油先上碟就更好。