影片
更多
2018-07-05
734 瀏覽
我想試左清真牛肉館超耐，但奈何去親九龍城都係食泰菜，終於有機會一試啦食之前其實都好糾結，因為睇食評對佢既評價好壞摻半，所以都唔敢抱太大期望。但始終想試左咁耐，抱住試伏心態，都要一試究竟！羊肉餅同咖喱羊腩飯係清真牛肉館既必叫菜式吧？！牛肉餅果然名不虛傳皮薄餡料足牛肉餅煎得唔油，餅皮好乾爽小心咁咬一小啖，皮整得好薄，好易咬得開，但依然可以感受到餅皮略帶煙韌既口感牛肉餡料好多，好厚身，食落牛肉雖然牛味唔太出，但肉質尚算鮮嫩、唔會過老變得鞋口；餡料入面仲加左蔥，增加香氣。咬左一啖，湯汁開始傾倒而出，湯汁加牛肉餡同餅皮一齊食，成件事好夾，好正改善：湯汁雖多，但調味略重手，食到最尾會覺得鹹；湯汁都有一層油浮面，若果調味方面減鹹、減少油份會令成件事更清新！上台果陣牛肉餅係唔熱既，應該係整好放左係到，有客人落order就即出。如果可以即叫即整，會更好味！好好味既咖喱羊腩飯呀！份量方面，羊腩份量比我想像中少，真實既食物同影出黎係唔同嫁！相中既羊腩份量好似好多咁，但其實係一個細碗仔裝住先有種滿出黎既錯覺。羊腩總共有七、八件左右，每件係一啖既大細。但飯既份量一啲都唔少，足足有兩大碗飯！味道方面，羊腩煮得入味
食之前其實都好糾結，因為睇食評對佢既評價好壞摻半，所以都唔敢抱太大期望。
但始終想試左咁耐，抱住試伏心態，都要一試究竟！
11 瀏覽
0 讚好
0 留言
牛肉餅
$38
38 瀏覽
0 讚好
0 留言
牛肉餅果然名不虛傳皮薄餡料足
牛肉餅煎得唔油，餅皮好乾爽
小心咁咬一小啖，皮整得好薄，好易咬得開，但依然可以感受到餅皮略帶煙韌既口感
牛肉餡料好多，好厚身，食落牛肉雖然牛味唔太出，但肉質尚算鮮嫩、唔會過老變得鞋口；
餡料入面仲加左蔥，增加香氣。
咬左一啖，湯汁開始傾倒而出，湯汁加牛肉餡同餅皮一齊食，成件事好夾，好正
改善：
湯汁雖多，但調味略重手，食到最尾會覺得鹹；湯汁都有一層油浮面，若果調味方面減鹹、減少油份會令成件事更清新！
上台果陣牛肉餅係唔熱既，應該係整好放左係到，有客人落order就即出。如果可以即叫即整，會更好味！
咖喱羊腩飯
$54
34 瀏覽
1 讚好
0 留言
好好味既咖喱羊腩飯呀！
份量方面，羊腩份量比我想像中少，真實既食物同影出黎係唔同嫁！
相中既羊腩份量好似好多咁，但其實係一個細碗仔裝住先有種滿出黎既錯覺。
羊腩總共有七、八件左右，每件係一啖既大細。
但飯既份量一啲都唔少，足足有兩大碗飯！
味道方面，羊腩煮得入味，烹調時間足夠，每件肉質都十分軟淋、一啲都唔韌
羊腩帶有少少羊騷味，係正常可接受既程度，令羊腩更惹味
羊腩屬於偏瘦帶少少脂肪既部位，平時唔食脂肪既我都唔會太抗拒，因為羊腩煮得夠淋，有脂肪既部份可以輕易咬走，所以不成問題，咬走左啲脂肪依然可以啖啖肉
咖喱方面，咖喱面頭有一層油，係可接受既程度；咖喱質地少稠身，係稠同稀既中間。
咖喱味道帶辣，哩種辣唔帶後勁、唔會嗆喉，係令到咖喱更惹味既正常辣味。
唔食得辣既我覺得未有中辣既程度，比平時食既水煮魚果啲仲淡既辣。
不過就係辣味令咖喱提升左一個層次，咖喱撈飯雖然十分肥十分邪惡，但佢既惹味會令我一啖接一啖、好快咁清左碟飯！
哩個飯真係夠曬麻甩、夠曬肥，但好好食！好快就用咖喱汁清左碟飯，大食既食肉獸表示唔夠喉呀
咖喱羊腩飯 推薦！必試呀
高力豆沙
$28
27 瀏覽
0 讚好
0 留言
最後，以高力豆沙哩個甜品作結。
高力豆沙即叫即炸，炸得乾身、唔油膩。
雖然面頭有大量幼砂糖，但食落唔會過甜。
16 瀏覽
0 讚好
0 留言
豆沙餡係自家制，豆沙蓉調味亦唔會過甜，豆沙帶有清甜既香氣，
豆沙餡份量唔少，佔左一半，將豆沙餡加蛋白一齊食，甜度啱啱好
食落帶微熱，蛋白未至於超嫩滑，但幸好唔會老，咬開仲冒少少煙。
用哩道「清新」(唔太甜)既甜品作為哩餐飯既結尾，好幸福
本身唔抱太大期望，好彩叫既每樣食物都有可圈可點既地方，食物亦有質素。
當然，每樣食物都存在可以改善既地方，但味道都係我期望之上，收貨啦！
一定會encore，試埋其他野
張貼
