唯一燒鵝

營業中

休息中

行完黃埔又巡視空紅磡街市已經肚餓，平時會向蕪湖街果邊食嘢。今日過完對面馬路，經過家維邨望一望，地庫有隻燒鵝立立令叫近我😂，又想試吓啦。店裏十分乾淨，有電視睇，卡位亦寬躺，如果落場嚟呢度食下野，唞一唞，一定係最好選擇。望過餐牌，不二之選揀乳豬燒鵝飯，只係68元咋，超抵!雖然叫個碟頭飯😁。 😌但我諸多要求，而侍應哥哥竟然細心聆聽😃。 碟飯一到要求全做到，而且分量很大又香噴噴，仲有嘢飲送😄。 乳豬皮脆少肥又有肉，燒鵝除了煙熏味外，又另一種脆皮而且甘香，肉嫩有汁，非常好味😋😋，位內仲有插蘇連叉電插提供，的確細心。埋單時，無論燒味部叔叔或收銀員姐姐，很有禮貌傾談，亦不停多謝客人惠顧，很有家的感覺，不禁向他們豎起手指公👍🏻。 紅磡竟然有一間咁優質嘅燒味店，很值得推薦👍🏻👍🏻👍🏻！