王家沙 (已結業)

七月一日,回歸十週年,同屋企人唸住訂呢道食飯,點知要分兩段時間,大家都唔行就範,但又唔信邪,一行九人七點半去到門口巳知大Q鑊,成門口都係人,連帶位條女都見唔到,最終到張等位飛仔,佢話叫我行先,有位就打比我,好!!!!!!!!!!!我又等,係要你咩咁巴閉。三十五分鐘後,終於打話有位,點知上到去重要等多五分鐘,真係佢老闆!!好-----講佢食先:小籠飽(唔記得佢叫乜式小籠飽),真係超正-------夠晒Juicy,皮又夠薄,肉又夠滑,九條友,要叫三籠先夠,因一籠六粒,每人一真係唔夠喉。生煎飽,重正,個飽好軟熟,個底又夠脆,真係好好味,但係肉好似同小籠飽一樣。醉酒雞,開頭叫一碟,因為好似好貴,要成七十蚊,但都係忍唔住,要整多碟,雞肉好滑,雞皮好脆,又夠酒味,同其它店真係冇得比。小菜大至上O.K,但真係冇乜特別,如有幾會再,一定轉攻點心。醒個Tips比你,唔好咁笨,記得訂定位,晤係就預起碼等你半粒鐘。