好德來小籠包店 (已結業)

最近見網站介紹佐敦上海菜館，稱讚上海小龍包皮薄，但又鎖住湯汁，除小龍包，還有其他精美菜式，小小菜館受到高度讚美，一於去試下菜。行街行到9點幾，9:45進店，老闆娘話last order 喇，見倒餐紙原來鋪頭閂10點😬差d無口福。怱怱點左一客小龍包（hkd44)，口水雞，回窩肉，及一個靚仔。小龍包比一般連鎖店還貴，索價hkd 44大元，真係期望好高架。四隻包子熱熱上場，夾落又真係好薄皮喎，咬落十分多沙汁，亦都好鮮甜！抵讚，難怪要十一蚊一隻。口水雞分量頗細，味道不錯，唔辣，不過熱盤上有點奇怪，哈哈。回窩肉叫左牛肉，牛肉分量都多，用干辣椒仔炒，好野味，不過就好油。98蚊都算幾貴架！本身叫左個冷面但售罄，不如就改叫白飯，橫掂回窩肉好送飯。可能就收鋪，白飯全部係飯焦，硬到咬唔落😖好陰公。小店價錢雖然唔便宜，不過就免加一，抵讚嘅。