影片
更多
2006-08-09
29 瀏覽
8 August 2006 (Tue) - 晚飯一個老朋友生日，當然唔係正日，但係預祝佢生日，請佢黎呢度食飯！預先book位時佢己經問定壽星仔叫咩名，好等佢哋可以將個名寫喺佢哋準備既生日咭道，不過佢哋係要食英文架，所以應該比英文名佢，如果唔係就變咗併音架啦！佢哋個set dinner 其實喺佢個網址度搵到，不過我都喺度再講多次，順便比少少comment！1. 女人的心(南瓜蕃茄冷熱湯) - 如圖一，好好飲，佢個蕃茄入面既係冷湯，冰冰涼涼咁，仲好似有啲酒味，出面既南瓜就係熱既！叫做女人的心係因為似女人咁忽冷忽熱，哈哈，真係好有心思！2. 意式黑醋墨魚沙律- 如圖二，個汁好味，黃黃地色，唔知係乜？3. 香煎鵝肝配魚子醬- 如圖三，My favourite！！一定好食，我好鍾意架！4. 香醬焗青口- 如圖四，第一次食到咁樣整法既青口，綠色既香草配淡淡既青口，OK啦，但我都係鍾意牛油，或者嗰啲紅色既汁又辣辣地既配青口！我同老友一人揀一個main course，我嗰個係：5. 脆皮鴨配紅酒汁- 如圖五，好美味，又唔鞋，大細啱啱好，唔會太飽，配紅酒汁加埋啲薯菜，得呀！老朋友係：6. 紅酒燴羊膝-
一個老朋友生日，當然唔係正日，但係預祝佢生日，請佢黎呢度食飯！預先book位時佢己經問定壽星仔叫咩名，好等佢哋可以將個名寫喺佢哋準備既生日咭道，不過佢哋係要食英文架，所以應該比英文名佢，如果唔係就變咗併音架啦！
佢哋個set dinner 其實喺佢個網址度搵到，不過我都喺度再講多次，順便比少少comment！
1. 女人的心(南瓜蕃茄冷熱湯) - 如圖一，好好飲，佢個蕃茄入面既係冷湯，冰冰涼涼咁，仲好似有啲酒味，出面既南瓜就係熱既！叫做女人的心係因為似女人咁忽冷忽熱，哈哈，真係好有心思！
2. 意式黑醋墨魚沙律- 如圖二，個汁好味，黃黃地色，唔知係乜？
3. 香煎鵝肝配魚子醬- 如圖三，My favourite！！一定好食，我好鍾意架！
4. 香醬焗青口- 如圖四，第一次食到咁樣整法既青口，綠色既香草配淡淡既青口，OK啦，但我都係鍾意牛油，或者嗰啲紅色既汁又辣辣地既配青口！
我同老友一人揀一個main course，我嗰個係：
5. 脆皮鴨配紅酒汁- 如圖五，好美味，又唔鞋，大細啱啱好，唔會太飽，配紅酒汁加埋啲薯菜，得呀！
老朋友係：
6. 紅酒燴羊膝- 如圖六，打電話黎book時佢同我講可能有啲羊膝會較靭，如果遇到咁既情況，佢話可以換比我哋，呢個都唔錯，不過我自己麻麻地羊，但係冇乜酥味，所以唔鍾意羊既人都會覺得OK，只係我就覺得少少靭．．不過係可接受既，但比起鴨，我都係鍾意鴨多啲！
7. 田螺燴天使麵- 我唔記得影低佢，因為佢係喺我哋食緊main course時上既，而我又唔想咁寡地淨食鴨，所以我已急不及待咁食起啲天使麵啦，一時口快唔記得咗影低！份量係少架，但係食到呢度差唔多飽，所以變得啱啱好．．．好味道，田螺都好似有成五定六隻，我冇數，因為初時以為係菇既物體，hehe~~
8. 清香花茶- 真既好香，都唔記得問佢係咩花茶，食到呢度好飽，飲返杯茶坐一陣傾下偈，真係一種享受！老板Sidney (阿Sue個老公)仲會問下上唔上甜品住，我個老朋友想坐陣先，所以話遲啲至上．．
9. 火焰雪山- 如圖七，好開心我趕得切襯佢啲火未熄影到(見圖藍色部份係火焰，好淺色架咋)，其實我冇正式食過呢個甜品，但係我覺得好好味，入面既係芒果+雲呢那雪糕，酸酸地唔會好飽，正！我個friend話佢食過咁多次火焰雪山，呢個可以話係好正！
Set Dinner 一人$320，免收加一，所以都算唔錯，以咁既價錢，比起出面某啲餐廳，呢度既環境，氣氛，食物，服務絕對優勝，有機會，一定要再黎！！！
張貼
