影片
更多
2013-04-10
74 瀏覽
蘭桂坊開左一間秘魯菜餐廳，對呢個國家野食冇乜認識，但上網一查，睇到網友去當地旅遊的遊記，好似有好多好野食，於是決定試下。點了三個前菜，兩個主菜，好明顯太多了。。。食淨差唔多一個主菜。朋友又掛住講野，拖慢曬食野進度，變得好快飽。第一個係藜麥三文魚沙律，藜麥有好豐富的營養，好似cous cous咁，中間有好多配料，包括醃三文魚、豆、牛油果蓉等，個汁甜甜酸酸，好醒胃，係個好好的開胃菜。跟住個醃吞拿魚，聽聞當地人好興用青檸汁醃不同的海鮮食，叫ceviche，呢個醃吞拿魚味道好似日本魚生，又有D紫菜係上面咁，好得意，不過朋友話覺得D魚好似有根。然後，點左個牛肉串燒，呢個真係非食不可! 好味! 牛肉味濃，又夠軟熟，上面搽左D青草醬，好夾。伴碟有薯仔同大大粒的秘魯粟米。一拎到嚟我地抵受唔到引誘，因為太香，即刻食所以冇影相。主菜係鴨腿燴飯，D飯又係大大粒，好似risotto 口感，煮飯個湯應該有好多不同香料，好好味但唔識點形容。鴨腿都好好味，煮到D肉可以輕易同骨分離，表皮香脆。另一個主菜好搞笑，因為好似我地鑊仔炒牛柳，牛肉同好多蔬菜包括蕃茄洋蔥炒埋一齊，仲比我發現有條香蕉係度，個味道酸酸地，墊底係一個
點了三個前菜，兩個主菜，好明顯太多了。。。食淨差唔多一個主菜。朋友又掛住講野，拖慢曬食野進度，變得好快飽。
第一個係藜麥三文魚沙律，藜麥有好豐富的營養，好似cous cous咁，中間有好多配料，包括醃三文魚、豆、牛油果蓉等，個汁甜甜酸酸，好醒胃，係個好好的開胃菜。
跟住個醃吞拿魚，聽聞當地人好興用青檸汁醃不同的海鮮食，叫ceviche，呢個醃吞拿魚味道好似日本魚生，又有D紫菜係上面咁，好得意，不過朋友話覺得D魚好似有根。
然後，點左個牛肉串燒，呢個真係非食不可! 好味! 牛肉味濃，又夠軟熟，上面搽左D青草醬，好夾。伴碟有薯仔同大大粒的秘魯粟米。一拎到嚟我地抵受唔到引誘，因為太香，即刻食所以冇影相。主菜係鴨腿燴飯，D飯又係大大粒，好似risotto 口感，煮飯個湯應該有好多不同香料，好好味但唔識點形容。鴨腿都好好味，煮到D肉可以輕易同骨分離，表皮香脆。
另一個主菜好搞笑，因為好似我地鑊仔炒牛柳，牛肉同好多蔬菜包括蕃茄洋蔥炒埋一齊，仲比我發現有條香蕉係度，個味道酸酸地，墊底係一個飯餅，最上面有炸薯條同一隻煎蛋，真係包羅萬有。但係食到呢度，已經幾飽，想跳去甜品環節啦。值得一提係，呢度D主菜份量幾大。淨係一個主菜都絕對可以KO一個正常食量的人，至少我地食果兩樣野都幾大份啦。
跟住就到甜品啦，本身都好鐘意食甜野，但係真係食唔落太多，兩個人share一個。個甜品真係驚為天人，中間係一塊好香脆曲奇，上面係橄欖油雪糕，圍住曲奇果D Cream好香好滑溜，上面放左四塊烤菠蘿。呢個組合真係好正。橄欖油雪糕冇咩味，主要攞個凍冰冰感覺，曲奇最香濃脆口，Cream就滑又唔太甜，燒菠蘿果份燒烤香味好似帶左你去野外BBQ咁，各種味道同口感融和，又夾到不得了。食完真係大滿足。
另外我地冇飲酒，侍應推介一種叫CHICHA飲品，紫色的，酸酸地幾好飲又開胃。張貼
