影片
更多
2010-01-24
87 瀏覽
呢間outback好出名. 連去左外國多年既朋友返到hk都要指定去outback聚舊.由於係星期5晚, 所以之前一晚就打去訂位, 本身就訂7:30pm, 但就要9pm交台, 因為太多人喇喎. reception就提議叫我訂8:30pm, 咁就可以坐到佢close (即11:30pm). 呢個提議唔錯, 想讚返個女仔... 到左今日食飯, 佢約3pm打黎confirm, 但好搞笑, 佢接通左電話, 講完係outback打黎, 竟然叫我等一陣. 我唔係介意等, 而係我認為佢忙就唔好打過黎先, 不過可能個時又有人打電話去book台. 算啦, 唔緊要啦.終於到8:30pm喇! 嘩! 門口有勁多人等位~ 真係好在有打電話去book. 哈~ 不過最搞笑就係我已經坐低左, 仲開始睇menu個時, reception竟然打電話問我張台仲要唔要. 哈哈哈哈. 佢竟然以為我未坐低?! 真係有點無奈...anyways. 有5個人, 所以就叫左好多樣野:blooming onion嘩! 呢個就勁出名, 唔可以唔要! 佢最勁就係可以將一個 (定係幾個呢?) onion切開好多刀, 但最底個到仲係連住既, 之後
由於係星期5晚, 所以之前一晚就打去訂位, 本身就訂7:30pm, 但就要9pm交台, 因為太多人喇喎. reception就提議叫我訂8:30pm, 咁就可以坐到佢close (即11:30pm). 呢個提議唔錯, 想讚返個女仔... 到左今日食飯, 佢約3pm打黎confirm, 但好搞笑, 佢接通左電話, 講完係outback打黎, 竟然叫我等一陣. 我唔係介意等, 而係我認為佢忙就唔好打過黎先, 不過可能個時又有人打電話去book台. 算啦, 唔緊要啦.
終於到8:30pm喇! 嘩! 門口有勁多人等位~ 真係好在有打電話去book. 哈~ 不過最搞笑就係我已經坐低左, 仲開始睇menu個時, reception竟然打電話問我張台仲要唔要. 哈哈哈哈. 佢竟然以為我未坐低?! 真係有點無奈...
anyways. 有5個人, 所以就叫左好多樣野:
blooming onion
嘩! 呢個就勁出名, 唔可以唔要! 佢最勁就係可以將一個 (定係幾個呢?) onion切開好多刀, 但最底個到仲係連住既, 之後拎去炸, then再放成好似朵花 (中間仲有位放個醬) 咁上台. 我地研究左好耐其實係點樣做到, 咁當然我地係唔知啦~ 講返個味啦都係. 有d辣 (其實因為係個醬). 但如果怕辣唔dip個醬, 可以dip茄汁既. 不過就好似唔係咁好味. 我覺得就係辣辣地先開胃~ 不過有個問題就真係好鬼油. 不過無計, 因為佢係成個炸出黎. 同埋熱食就冇咁覺佢油, 一凍左就唔得. 要熱食. 同埋佢雖然上台個時好似唔係真係好大個, 但其實好 "漏", 要有好多個人要食得完.
chicken & shrimp pasta
呢個就係細碟左dd~ size唔大. 其實我應該話係d配料 (雞同蝦) 同寬條面既ratio 係好大. 即係太多配料, 唔夠面~ 但幾creamy. d蝦好fresh, 好彈牙~ 反而d雞粒就麻麻地, 因為好大粒. 切細粒d會好d. 同埋佢上台既樣同menu既相真係唔多一樣... 見到實物個時有d失望.
grilled shrimp caesar salad
一上台, 第一個反應: 咁多蝦?! 因為真係有好多隻蝦~! 同埋仲要好好味tim. 唔係講笑~ 同埋好多芝士. 面包糠 (粒粒都好大粒, 仲好脆tim啊!) 都唔少. 最少既反而係d veggie. 哎呀, 人地明明叫個既原因就係因為呢餐唔夠veggie, 但連呢個所provide既veggie都咁少~ 唉. 不過係好味既, 因為veggie夠fresh同甜.
包
我地真係完全唔知會有包上. 仲要係有2個. 係咪同d扒一set架? 因為個waiter就咁放低就算喇. 乜都冇講. 唔理喇, 食喇! 我地個個都覺得好得意, 因為佢有把刀插住! 哈哈哈哈! 個包上台個時仲熱架! 所以要快食~ 佢有個我估係cream cheese既野, 不過我地冇人dip, 因為個包本身已經好好味. 好甜好軟, 有d似黑糖面包! 我地仲話唔知可唔可以就咁叫呢? 因為真係幾好味!!!
big ribs on the barbie
叫個全份係驚唔夠食, 點知係錯既! 因為... 我地唔記得左, 佢有大量既薯條同2個side dishes! 噢!!! 先講個ribs, 味就一般, 唔夠濃味. 我嫌佢淡左dd~ 不過d肉 (唔 "銀", 好 "林" 架~) 好易就同d骨分開. easy to eat! 薯條炸得透 (唔 "林"!!!), 正! 2個side dish要左chef's veggie同caesar salad (yeah, 又係caesar salad). 原因: 咪就係我地想食返多d菜~ 呢個caesar同上面所mention既ceasar係同一個 (咁當然呢個冇蝦啦~), 但反而有多d菜! 哈! 至於個chef's veggie就... 由於全世界已經飽到傻, 所以都冇乜點郁過... 噢...
ny strip steak
早知就唔叫, 因為我地5個人已經好飽... 但既然黎到, 食埋去啦. 我地就要左7成熟. 可能我已經好飽, 所以我已經覺得呢個既味非常普通. 一d都唔特別, 咪又係扒一塊. 個gravy呢, 就... 冇人掂過. 唔知乜味. 不過個color我見到就嫌佢太淡色. 由於好大塊, 所以最後都係食唔完, 而伴菜既薯條當然一樣好味. 不過我真係好飽喇... 快要死了...
general food comment: 其實有少少surprised! 點解? 因為我以為outback最好食會係d扒或者ribs, 點知呢2樣野好普通. 味道唔impressive. 反而佢d non-扒類既食物好好味! goood wor! 同埋d野食係幾大碟, 所以千祈唔好叫太多!!! 我地underestimate左d食物既size... 食唔哂, 有d浪費.
而家講下d服務丫: 唔得! 原因: 太多客但太少waiter. 太少! 永遠都落唔到order. 根本就唔夠人手! 叫一個過黎, 個waiter永遠都會話等一等, 點知就一去無回頭! 哎呀!!! 我叫水都叫左3次先有人送水黎~ 水都只加過2次咋~ 口渴死我地!!! 好在佢地唔黑面, 仲有笑容~ 算係咁喇~ 不過唔請返多d人, 而佢d service維持係咁, 我估會冇下次...
btw, 甜品得3種, 未免太少variety了罷?! 本身想係到食埋desserts, 但甜品實在太唔吸引! 噢... 只好走去出面食...
張貼
