影片
更多
2020-08-02
1768 瀏覽
每次放工揸車經過都被小舖吸引，但礙於舖面對出車來車往又冇得停車，唯有擦身而過。終於上星期五同老公一齊放假，因為疫情關係都已經好耐無外出揾好嘢食，商場又唔敢去，郊外又人多車多，兩口子就諗起呢度🤩，一早起身揸車過去。對面馬路村口泊低車行過去，舖面內只有一位男士，相信係老闆，舖內位置唔多，但裝修簡潔柔和，有種好親切舒服嘅感覺。因為老公要用筆電工作，向老闆明言想要一個有得叉電嘅位置😓，老闆隨即安排一張有長梳化嘅位置俾我哋🥰，早餐選擇左一份combo 同埋一份balanced choice，老闆集接待、收銀、廚師於一身....勁👍🏼！食物同多功能老闆一樣，色香味俱全，配上一杯果汁，感覺好清新、悠閒😌，老公知道我係咖啡狂魔😆，再點多一杯flat white俾我止癮😅。可能星期五，客人流量唔太多，兩口子慢活態度😅，歎左個多小時！食過返尋味，今日又黎過，同樣嘅早餐，老闆認出我地😊，有兩位副手幫忙下，老闆終於有時間坐低同我哋傾計，互相介紹過後，老闆細數佢嘅創業經過，餐廳名字嘅由來，由打工一族到裸辭追夢，離開左25年嘅打工生涯，喺香港最艱難嘅時候，2019下半年開咗cafe，向夢想邁出一大步，好佩服呢份勇
對面馬路村口泊低車行過去，舖面內只有一位男士，相信係老闆，舖內位置唔多，但裝修簡潔柔和，有種好親切舒服嘅感覺。因為老公要用筆電工作，向老闆明言想要一個有得叉電嘅位置😓，老闆隨即安排一張有長梳化嘅位置俾我哋🥰，早餐選擇左一份combo 同埋一份balanced choice，老闆集接待、收銀、廚師於一身....勁👍🏼！
食物同多功能老闆一樣，色香味俱全，配上一杯果汁，感覺好清新、悠閒😌，老公知道我係咖啡狂魔😆，再點多一杯flat white俾我止癮😅。可能星期五，客人流量唔太多，兩口子慢活態度😅，歎左個多小時！
食過返尋味，今日又黎過，同樣嘅早餐，老闆認出我地😊，有兩位副手幫忙下，老闆終於有時間坐低同我哋傾計，互相介紹過後，老闆細數佢嘅創業經過，餐廳名字嘅由來，由打工一族到裸辭追夢，離開左25年嘅打工生涯，喺香港最艱難嘅時候，2019下半年開咗cafe，向夢想邁出一大步，好佩服呢份勇氣💪🏼💪🏼💪🏼！快樂不知時日過，同老闆彷彿一見如故，傾下傾下到左中午😅，老闆推介我哋不如試食埋lunch，試下自家製香草蕃茄同雞汁，老公揀左雞汁烤雞意粉，我揀左火腿香草蕃茄意粉，一樣係色香味俱全😋！
其實外出用餐，除左食物質素、味道，仲有好多野配合，舖頭位置、裝潢、擺切等都係重要元素，再加上老闆嘅親切，對夢想嘅熱誠，造就左Skene for Nomad，一間有家的感覺嘅小小咖啡室！
張貼