Hokahoka

營業中

休息中

已經接近兩年無返過家鄉了，經朋友介紹去咗呢間居酒屋，出咗名無乜人聽電話，但我打咗三次就有人pick up了，仲即日有枱，高興！居酒屋就係有一種魅力會令你叫完一樣，又叫一樣，明明飽飽哋，但又會再叫多一樣。我哋兩個人去，竟然食咗9樣嘢，包括海帶沙律、咖哩烏冬、唔記得咩魚的刺身、香蕉天婦羅配雪糕、炸雞、明太子雞翼、烤牛舌（前後兩碟）、酒盜芝士、炸蓮藕餅(?)。本身想食蟹肉可樂餅，但嗰日無供應 基本上每樣都水準以上，最好食要數烤牛舌，味道一流，唔知係咪我個setting問題，感覺好似食到炭烤味，可能只係幻覺。其次係酒盜芝士同明太子雞翼，兩者都係濃味之選，配一啖日本生啤，一絕。最敗筆的係炸雞，一來炸得幾乾下，二來無味嘅，如果一客炸雞要靠沙律醬先好食，咁不如唔好食。但整體嚟講食得好開心，會再去，希望繼續易訂位。