影片
更多
2012-11-23
115 瀏覽
第一次黎既時候，可能正值假日lunch time比較多人啦，order一個galette竟然要等上一粒鐘有多！見住遲過我入黎既食客好多都上咗菜喇，甚至食完，我嗰份都仲未上，一問之下，原來漏咗單。本來靚靚既心情都因為等得太耐太餓而變壞了。一個鐘有多後終於上菜了（嬲到要計時）La Bourguignonne(Snails fricassee,Mushroom, bacon, Spinach, White wine sauce)擺得好靚，用料又好特別既一款galette。菠菜份量多，蝸牛為數也不少！先食一角沒沾上醬汁既餅皮。入口溫暖軟軟的，口感煙韌，蕎麥味突出，厚薄適中，上乘之作。唔會好似灣仔嗰間咁整到燶晒。接著是餡料，味道濃郁既醬汁實在為之驚艷，為整個galette生色不少，配著煮得夠淋又入味既菠菜，好惹味，正！我相信如果用呢個醬汁黎煮意粉會好正，哈哈。仲有，bacon都整得好出色，本來我係唔食bacon既，但呢度既bacon肥瘦適中，有嚼頭；由於切成細絲，配合醬汁而變得更加入味，好好食。食完呢個galette，條氣即時順晒。食過翻尋味，念念不忘，實在懷疑自己愛上了法式薄餅，因為呢幾日整個
見住遲過我入黎既食客好多都上咗菜喇，甚至食完，我嗰份都仲未上，一問之下，原來漏咗單。
本來靚靚既心情都因為等得太耐太餓而變壞了。
一個鐘有多後終於上菜了（嬲到要計時）
La Bourguignonne
(Snails fricassee,Mushroom, bacon, Spinach, White wine sauce)
擺得好靚，用料又好特別既一款galette。
菠菜份量多，蝸牛為數也不少！先食一角沒沾上醬汁既餅皮。入口溫暖軟軟的，口感煙韌，蕎麥味突出，厚薄適中，上乘之作。
唔會好似灣仔嗰間咁整到燶晒。
接著是餡料，味道濃郁既醬汁實在為之驚艷，為整個galette生色不少，配著煮得夠淋又入味既菠菜，好惹味，正！
我相信如果用呢個醬汁黎煮意粉會好正，哈哈。
仲有，bacon都整得好出色，本來我係唔食bacon既，但呢度既bacon肥瘦適中，有嚼頭；
由於切成細絲，配合醬汁而變得更加入味，好好食。
食完呢個galette，條氣即時順晒。
食過翻尋味，念念不忘，實在懷疑自己愛上了法式薄餅，因為呢幾日整個腦海都是它。
所以我在星期三既dinner time重訪，呢日無咁多人。
今次上菜好快喇。
La Terre-neuve
(Smoked Salmon, egg, Spinach, Double Cheese)
呢款餅皮同上次唔同。較薄，口感係crispy既，特別是邊緣部分。無乜麥味，但有淡淡既蛋味。
其實都唔錯。但食野始終係depend on個人口味，我就鐘情上次嗰款餅皮多啲。
好喜歡餡料上的太陽蛋，拮穿蛋黃，啲蛋黃汁流晒落個餅皮度，加埋蛋白部分一齊食好正！
不過可惜，菠菜份量好少（上次明明咁多有無搞錯～），同埋煙三文魚味道死鹹，沒有魚鮮味。
同埋所謂double cream份量都係好少。
La Speculors
(Home-made Speculors, Crunchy vanilla ice-cream
呢款餅皮又有唔同。口感係三款之中最煙韌同埋最濃蛋味既。都好正！望落簡單，但就俾到驚喜我。
因為佢個醬好特別，係Home-made既，有啲似花生醬但又好味過佢。
下次要請教吓呢個係咩醬先得。（雖然英語不靈光...）
暖暖既餅皮塗滿甜甜鹹鹹既醬料，加上表面附上脆粒的雪糕一齊食，冷熱交錯得匹配，實在十分美味！
另外，好喜歡呢度既環境。
坐喺Outdoor位好舒服，relaxing。
店員好nice & humorous
仲有好多款想試，會重訪。
個人認為水準高過灣仔嗰間，Highly recommend.
張貼
