鼎家喜筷 (已結業)

網上面見到好多鼎家喜筷嘅雞煲廣告，終於比佢燒著左😂😂接老婆收工之後同佢一齊去食雞煲佢呢個幸福雞煲 90分鐘可以無限添加秘製雞件 基本上全場超過一半嘅客人都係食雞煲為主~~成人$168/位 價錢吸引雞煲味道好濃郁，店員幫我地set個timer提醒我哋幾時可以開蓋食！辣味夠過癮，同埋最重要嘅係雞件超級滑身，我哋仲額外叫咗店員俾多少少芫荽我哋，食落更香更惹味！我哋一共添左兩輪雞件，每次個份量都好多，而且係保持到雞件滑身嘅水準👍🏻👍🏻食完雞煲之後我哋重點咗少少火鍋配料打邊爐，響鈴一定要叫，佢索晒成個雞煲嘅精華，好味到不得了🤤