嚐泰泰國餐廳酒吧 (已結業)

有heart指數係♥♥♥♥對呢個辣椒膏豬頸肉炒河真係念念不忘，幾個朋友有次試過猩猩嗰碟之後，再下一次成枱都叫呢個，誇張！首先你一定要食得辣，佢既辣度都唔惹小，但佢辣得來真係好！香！然後你就要唔怕肥，因為你食完會發覺碟底都係油，但係炒粉面唔落足油點會夠香呀！但係係值既，因為真係好。好。味。同埋佢既河粉唔係平時食開嗰種，佢嗰隻粗到不得了，成塊正方型咁既粗河，彈牙煙韌到不得了。不過如果想食，落單時最好問一聲，因為有時無貨會用普通河粉代替，口感差天共地。個炒河唯一缺點係份量啱啱好，但我唔要啱啱好呀！我係暴食大猩猩呀！我要食到飽到嘔呀！有次發現加幾蚊就可以加底，真係一天都光哂。