忠記咖啡屋‧私房菜 (已結業)

約左小學同學聚會，咁岩大家都係港島區返工，就揀左呢間係銅鑼灣既忠記咖啡室。私房菜！首先係私房靚湯，放左工飲到家既味道真係好幸福！之後我地點左幾樣前菜，包括稻庭烏東北海道帶子配和風芥末汁,陳年花雕鴨舌同三文魚籽糖芯皮蛋！稻庭烏東唔洗講都知彈牙爽口，大大粒既香煎北海道帶子配埋青瓜絲蟹柳絲真係好好食！而最重點係個和風芥末汁，酸酸地帶少辣，好開胃，忍唔住追加多一份！陳年花雕鴨舌大大份酒味好濃，食得我地停唔到三文魚籽糖芯皮蛋三文魚籽令口感豐富左，唔錯！滋味口水雞呢個口水雞係我至愛啊！雞肉嫩滑加埋秘制醬汁，辣度適中，最重要仲要係無骨嫁！岩哂我呢d嫌麻煩既人。家鄉私房肉碎炒椰菜有獲氣，炒得好香！再黎就係馬來沙嗲粉絲肥牛煲呢個岩哂重口味既朋友，沙嗲味好重，肥牛配埋粉絲永遠係最佳配搭，我自己覺得略微咸左少少，但朋友話ok😂椒鹽黃金豆腐炸到外層金黃色脆卜卜，裡面就好滑，一咬落去果下食到兩個層次，外脆肉軟，正！最後我地仲點左豉汁蒸倉魚，蒸既時間岩岩好，即刻叫多兩碗白飯撈魚汁一齊食，好滿足！總括黎講食物質數好高，值得推薦！