影片
更多
2024-12-26
0 瀏覽
成功在於每一個細節 ❤️塱原打卡後還車後 見到間新Cafe 單品控就八卦吓Menu 一見餐牌封面嚇親 因為係餃子🥟！ 咁餃子控見到有Cafe Cross Over 餃子 仲有好多Single Origin (兼且有德國Roaster Five Elements嘅豆😱) 咁就入左去幫襯～一入到去覺得好靚好Chill好Relax 😍 店員好Nice咁幫我落左單後 我就去流手間梳洗吓 第一個細節位我見到係佢哋用嘅洗手液係Aesop 估唔到小店都咁有要求 🥰返埋位再望到枱面有鮮花🌷 即刻覺得心曠神怡 等緊食物時又走圍望望 見到左邊枱年輕男悉心為Lemon Tart擺位拍照 前面枱兩位女士食緊份精美All Day 然後有一家三口一齊着聖誕紅格仔衫入黎 媽咪見到環境咁靚就帶女兒拍左好多照片 🥰甜美笑容嘅店員先送上我嘅單品熱Honduras Americano (我一般要試Americano才決定以後會唔會再黎試手沖 - 無辦法🙆♀️話晒係考過SCA手沖L2嘅啡甩，唔會胡亂外面試手沖😌) 正準備飲第一啖時見到杯啡伴着一張自制小卡角落寫上：happiness is a piece of cake 🎂
塱原打卡後還車後 見到間新Cafe 單品控就八卦吓Menu 一見餐牌封面嚇親 因為係餃子🥟！ 咁餃子控見到有Cafe Cross Over 餃子 仲有好多Single Origin (兼且有德國Roaster Five Elements嘅豆😱) 咁就入左去幫襯～
一入到去覺得好靚好Chill好Relax 😍 店員好Nice咁幫我落左單後 我就去流手間梳洗吓 第一個細節位我見到係佢哋用嘅洗手液係Aesop 估唔到小店都咁有要求 🥰
返埋位再望到枱面有鮮花🌷 即刻覺得心曠神怡 等緊食物時又走圍望望 見到左邊枱年輕男悉心為Lemon Tart擺位拍照 前面枱兩位女士食緊份精美All Day 然後有一家三口一齊着聖誕紅格仔衫入黎 媽咪見到環境咁靚就帶女兒拍左好多照片 🥰
甜美笑容嘅店員先送上我嘅單品熱Honduras Americano (我一般要試Americano才決定以後會唔會再黎試手沖 - 無辦法🙆♀️話晒係考過SCA手沖L2嘅啡甩，唔會胡亂外面試手沖😌) 正準備飲第一啖時見到杯啡伴着一張自制小卡角落寫上：happiness is a piece of cake 🎂 OMG 😍 使唔使咁mindful呀 🧡 再飲完第一口Americano就知道我應該會返黎試手沖 😎
一間Cafe有餃子已經好特別 佢哋仲有心思在煎餃上放了一件名為“繁花💮”嘅點綴(因為唔知道食唔食得才問店員得知點綴叫繁花) 然後伴以沙律同兩件Madeleine...
餃子控一大口食左半個餃子覺得不得了😱好有家嘅感覺喔😍因為我仲未包到呢種形態漲卜卜又咁juicy嘅餃子...😅 再食埋沙律 一口咬落去就問點解...點解...(我係味吉陽一個fd🤓)點解會有咁新鮮嘅蔬菜出現向間小店內嘅...😱...最後食埋舊Madeleine...居然！居然唔太甜...又問點解會佢唔似出面鬼死咁甜，甜到想嘔嘅Madeleine嘅...
呢間小店太多令肥媽驚喜嘅地方...實在令我好期待再過黎踏單車 😍...最攪笑係有位女士好開心咁埋單後同店員講：我一定會再返黎㗎，仲要好好收藏唔好話俾人知😂費事太多人過黎...
就係因為佢呢句說話 我思索左好耐 究竟要唔要放上Openrice🤔 因為我都想收藏唔想咁多人黎我入唔到去🤣 最後超級懶惰嘅我(好耐無寫Openrice了...)決定花一粒鐘時間寫呢篇嘢 係想多謝店主店員悉心管理小店 你哋嘅心思大家都有看見 真的 我咁懶都看見😆 希望你哋一路平安咁經營下去 多謝你哋 我今日食得好開心 祝福大家～🧡
張貼
