影片
更多
2023-01-04
49 瀏覽
做咗20幾年人哋阿女都冇約過老竇單獨食飯今次難得好機會就請佢食餐佢講咗好耐嘅泰國菜！疫情前家庭旅行每年都會去一轉布吉泰國菜啱晒我哋口味😋😋今次揀左坐得好d 既Thaiology 😋餐廳位於瓊華中心16樓喺旺角市中心位置方便易找雖然係一行二人不過第一次單獨請老竇食飯一定唔可以失禮叫到成枱都係嘢食🤣🤣🤣我哋叫咗個二人套餐再加生菜包同甜品🤣🤣🤣🤣二人套餐包括湯類二選一-明爐椰汁雞湯/☑️明爐冬陰功海鮮湯+$12-> 飲湯一定要熱，見到佢係明爐咁上巳經加左分，冬陰功入邊嘅海鮮料用料有誠意，有兩大隻蝦，冬陰功湯酸辣得來但順口，好飲！菜類二選一-青木瓜沙律/☑️泰式炒雜菜->雜菜就普通少少，但份量好夠！小食三選一-香茅雞翼（4隻）/☑️泰式串燒（4串）/泰式炸魚餅-> 串燒可以係豬牛雞嘅，串燒嘅調味唔錯再加上蜜糖，走油返熱再出，配上沙嗲醬，好味！不過略嫌唔夠嫩滑，但拉上補下都係一個唔錯嘅選擇！肉類三選一-海南雞半隻/青or紅or黃咖哩（雞/豬/牛）/☑️原條青檸明爐烏頭魚（+$38）-> 同老竇食諗都唔使諗一定係叫烏頭！由細到大屋企幾乎餐餐都有魚，身邊嘅人而家見到我哋屋企人
都冇約過老竇單獨食飯
今次難得好機會
就請佢食餐佢講咗好耐嘅泰國菜！
疫情前
家庭旅行每年都會去一轉布吉
泰國菜啱晒我哋口味😋😋
今次揀左坐得好d 既Thaiology 😋
餐廳位於瓊華中心16樓
喺旺角市中心
位置方便易找
雖然係一行二人
不過第一次單獨請老竇食飯
一定唔可以失禮
叫到成枱都係嘢食🤣🤣🤣
我哋叫咗個二人套餐再加生菜包同甜品🤣🤣🤣🤣
二人套餐包括
湯類二選一
-明爐椰汁雞湯/☑️明爐冬陰功海鮮湯+$12
-> 飲湯一定要熱，見到佢係明爐咁上巳經加左分，冬陰功入邊嘅海鮮料用料有誠意，有兩大隻蝦，冬陰功湯酸辣得來但順口，好飲！
菜類二選一
-青木瓜沙律/☑️泰式炒雜菜
->雜菜就普通少少，但份量好夠！
小食三選一
-香茅雞翼（4隻）/☑️泰式串燒（4串）/泰式炸魚餅
-> 串燒可以係豬牛雞嘅，串燒嘅調味唔錯再加上蜜糖，走油返熱再出，配上沙嗲醬，好味！不過略嫌唔夠嫩滑，但拉上補下都係一個唔錯嘅選擇！
肉類三選一
-海南雞半隻/青or紅or黃咖哩（雞/豬/牛）/☑️原條青檸明爐烏頭魚（+$38）
-> 同老竇食諗都唔使諗一定係叫烏頭！由細到大屋企幾乎餐餐都有魚，身邊嘅人而家見到我哋屋企人對魚既熱愛都會嚇親😂
呢款都係明爐上，保持食物嘅溫度，烏頭魚配上酸酸美美嘅泰汁，真係perfect match! 佢嘅配料亦好有誠意，有海鮮有一對雜菜菇等等，如果鍾意食魚，我非常推介！
飯麵二選一
-☑️白飯或油飯兩碗/泰式鮮蝦炒金邊粉（+$48）
飲品兩杯
-$30飲品x2
我哋叫咗基本嘅餐飲，凍檸茶凍同凍奶茶，正常發揮
除咗二人套餐，我哋額外追加左一個椰子雪糕糯米飯同生菜包！
-生菜包都係正常發揮，份量正常，肉碎炒得不錯，係我心目中泰菜少不了嘅一部份！
特別要推介椰子雪糕糯米飯
佢既display 已經唔錯！用椰皇上，個底裝住椰汁糯米飯，上邊係有椰肉既椰子雪糕，再加上鹹鹹甜甜既特製椰汁，呢個會係呢餐飯嘅其中一個記憶點！推介！‼️‼️
可以一試！👍🏻
#泰國菜 #泰菜 #串燒 #冬陰功 #生菜包 #明爐烏頭 #椰子雪糕 #旺角美食 #thaiology #thaiologyhk #銅鑼灣 #泰國美食
張貼
